TerDPI rektori boshchiligidagi delegatsiga Qozon Federal universitetida

Shu kunlarda Termiz davlat pedagogika instituti rektori A.Xasanov boshchiligidagi delegatsiya Qozon Federal universiteti tashkil etilganligining 220 yilligi munosabati bilan o'tkazilayotgan X xalqaro forum da ishtirok etish uchun Rossiya Federatsiyasida bo'lib turibdi.

Forum doirasida rektor A.Xasanov Elabuga instituti direktori Yelena Efimovna Merzon bilan uchrashuv o'tkazdi. Uchrashuvda tomonlar o'rtasida hamkorlik aloqalarini tizimli ravishda yo'lga qo'yish, magistratura mutaxassisligi bo'yicha Rus tili va adabiyoti yo'nalishida 1+1 shaklda qo'shma dastur amaliyotini joriy etishga kelishilib olindi.

Shuningdek, delegatsiya a'zolari Psixologiya instituti direktori Aydar Minimansurovich bilan ham uchrashuv o'tkazishdi. Olib borilgan uchrashuvda asosan tomonlar o'rtasida ilmiy hamkorlik doirasidagi masalalar muhokama qilinib, kelgusida ikki oliygoh o'rtasida ilmiy jurnal tashkil etib, maqolalar chiqarishni yo'lga qo'yishga kelishildi.