Korrupsiya - taraqqiyot kushandasi

Termiz davlat pedagogika institutida "Korrupsiya - taraqqiyot kushandasi" mavzusida yig'ilish bo'lib o'tdi. Unda institut rektori A.Xasanov, Viloyat prokuraturasi uyushgan jinoyatchilik va korrupsiyaga qarshi kurashish bo'limi, alohida muhim ishlar bo'yicha tergovchi A.Xolyorov, prorektorlar, bo'lim boshliqlari va professor-o'qituvchilar ishtirok etishdi.

Yig'ilishda so'z olganlar, so‘nggi yillarda mamlakatimizda korrupsiyaning oldini olish va unga qarshi kurashish, davlat va jamiyat qurilishining barcha sohalarida korrupsiogen omillar hamda manfaatlar to’qnashuviga chek qo‘yishga qaratilgan keng ko‘lamli islohotlar haqida fikr bildirishdi.  

Shuningdek, ta'lim muassasasida korrupsion holatlar sodir etgan mansabdor shaxslar O'zbekiston Respublikasi Jinoyat Kodeksining tegishi moddalariga binoan ma'muriy va jinoiy javobgarlikka tortilishi bo'yicha ogohlantirildi.