Termiz davlat pedagogika institutida korrupsiyaga qarshi kurashish bo‘yicha navbatdagi tushuntirish tadbiri o‘tkazildi
2025-yil 6-oktabr kuni Termiz davlat pedagogika instituti da korrupsiyaga qrshi kurashish ma'sul xodimlari ishtirokida institutning Pedagogika va ijtimoiy fanlar fakulteti talabalariga yurtimizda olib borilayotgan korrupsiyaga qarshi kurashish siyosati hamda ushbu yo‘nalishda institutda amalga oshirilayotgan ishlar haqida batafsil tushunchalar berildi.
Tadbir davomida talabalarga institutda faoliyat yuritayotgan “Korrupsiyaga qarshi kurashish – komplayens-nazorat tizimi” faoliyati tanishtirildi. Shuningdek, korrupsiyaviy holatlarning oldini olish, ularni barvaqt aniqlash va profilaktika choralarini kuchaytirish maqsadida institutda yaratilgan ishonch telefon raqamlari, telegram botlari, elektron murojaat qutilari hamda bo‘lim rahbari va xodimlarining shaxsiy qabullari orqali murojaat yuborish imkoniyatlari haqida ma’lumotlar berildi.
Tadbirda talabalarga korrupsiyaga qarshi kurashish madaniyatini shakllantirish, halollik, adolat va qonun ustuvorligini ta’minlash yo‘lida har bir fuqaroning mas’uliyatini anglash zarurligi alohida ta’kidlandi.