XALQARO HAMKORLIK

Konferensiya (https://t.me/TerDPI/20884) doirasida 12-mart kuni IDS rahbariyati shu jumladan direktor Henning Lobin  va olimlari bilan ilmiy hamkorlikni kuchaytirish borasida uchrashuv bo'lib o'tdi. Unda quyidagi yo‘nalishlar bo‘yicha masalalar muhokama qilindi.
   
-TerDPIda bajarilayotgan ilmiy tadqiqot mavzulari va ularning metodologik mazmunini nemis olimlari bilan muhokama qilish; 
-TerDPIda bajarilayotgan tadqiqotlarga nemis olimlaridan 2-ilmiy rahbarlarni tayinlash imkoniyatini muhokama qilish; 
-IDS va TerDPI o‘rtasida qo‘shma ilmiy tadqiqot loyihalarini amalga oshirish; 
-TerDPIda bajarilgan tadqiqotlar himoyasi jarayonidagi IDS olimlarini rasmiy opponent (taqrizchi) sifatida belgilash imkoniyatlari;
-Ilmiy maqolalarni qo‘shma nashr etish va IDSning nufuzli jurnallarida o‘zbek tadqiqotchilarning ishlarini chop etish imkoniyatlarini kengaytirish; 
-O‘zbekistonda nemis tilini o‘qitish metodikasini takomillashtirish bo‘yicha IDS tajribasini TerDPIga tadbiq qilish doirasida TerDPI nemis tili o‘qituvchilar uchun qisqa muddatli stajirovkalar tashkil etish imkoniyatini ko‘rib chiqish

Ma'lumot uchun, Termiz davlat pedagogika instituti IDS ning O'zbekistondagi yangi hamkori sifatida kelishuvga qo'shildi.