Umumta’lim maktablariga metodik yordam va sport musoboqalari

Termiz davlat pedagogika instituti
 professor o‘qituvchilari Oltinsoy tumanida joylashgan institutga biriktirilgan umumta’lim maktablariga tashrif buyurib, maktab rahbariyati, o‘qituvchilar hamda o‘quvchi-yoshlar bilan uchrashdilar.

 Uchrashuv davomida maktab pedagoglariga ta’lim sifatini oshirish, ilg‘or pedagogik texnologiyalarni qo‘llash, o‘quvchilarni jismoniy va ma’naviy jihatdan barkamol qilib tarbiyalash masalalarida metodik yordam va amaliy tavsiyalar berildi.
 Shu bilan birga, kafedra o‘qituvchi-murabbiylari tomonidan o‘quvchi-yoshlarning bo‘sh vaqtlarini mazmunli tashkil etish maqsadida turli sport musoboqalari ham uyushtirildi.

 Ushbu musobaqalarda o‘quvchilar faol ishtirok etib, o‘z iste’dod va mahoratini namoyon qildilar. Tadbirlar nafaqat yoshlarning sportga bo‘lgan qiziqishini oshirdi, balki ularni sog‘lom turmush tarziga, do‘stlik va jamoaviylik ruhida tarbiyalashga ham xizmat qildi.