TerDPI olimlari xalqaro ilmiy-amaliy konferensiyada ishtirok etdilar
Qozog‘iston Respublikasining Abay nomidagi Qozog‘iston Milliy pedagogika universitetida xorijiy ekspertlar ishtirokida “Markaziy Osiyoning barqaror rivojlanishi va geostrategik integratsiyasi: sivilizatsiyalar chorrahasi va zamonaviy global muammolar o‘rtasida” mavzusidagi xalqaro ilmiy-amaliy konferensiya bo‘lib o‘tdi.
Mazkur nufuzli anjumanda dunyoning turli mamlakatlaridan taniqli olimlar, ekspertlar va yosh tadqiqotchilar qatnashib, zamonaviy global muammolar, mintaqaning barqaror rivojlanishi va geostrategik hamkorlik masalalari yuzasidan o‘z qarashlarini bildirishdi.
Ushbu konferensiyada Termiz davlat pedagogika instituti Professor o'qituvchilari va talaba-yoshlari ham munosib ishtirok etishdi. Institutning Texnologiya va geografiya kafedrasi professor-o‘qituvchilari — g.f.n., dotsent O‘tkir Yakubov, p.f.f.d., dotsent v.b. Erkin To‘raqulov hamda p.f.f.d., dotsent v.b. Anvar Allamurodov plenum yig‘ilishida ma’ruza bilan qatnashib, o‘z ilmiy izlanishlari natijalarini xalqaro ilmiy jamoatchilikka taqdim etdilar.
TerDPI olimlarining ilmiy chiqishlari Markaziy Osiyo davlatlarida barqaror rivojlanishni ta’minlashda ta’lim va fan integratsiyasining o‘rni, geostrategik hamkorlikning istiqbollari hamda zamonaviy global muammolarga yechim topish yo‘llarini yoritishga qaratildi.
Shuningdek, institut talabalari ham konferensiya jarayonida faol ishtirok etib, xalqaro ilmiy muhitda o‘z bilim va tajribalarini boyitish imkoniyatiga ega bo‘ldilar.