Talaba va o‘qituvchilarga ogohlik saboqlari
Termiz davlat pedagogika institutida 15-sentabrdan 15-oktabr kuniga qadar Yong'indan ogohlik umummilliy kampaniyasi oyligi minosabati bilan institutda ko‘rgazmali fuqaro muhofazasi kuni o‘tkazildi. Institutning Fuqaro va mexnat muxofazasi bulim boshlig‘i S.Esonov, Yong‘in xavfsizligi buyicha instruktor E.Ro‘ziyev, Termiz tumani Favqulodda vaziyatlar bo‘limi boshlig‘i urinbosari kapitan M.Abdujabborov hamda xodimlari tomonidan kuz-qish mavsumini betalafot o‘tkazish yuzasidan profilaktik tadbirlar o‘tkazildi.
Tadbir davomida professor-o‘qituvchilar va talabalarga favqulodda vaziyatlarda to‘g‘ri harakat qilish, yong‘in xavfsizligi qoidalariga amal qilish hamda o‘t o‘chirish vositalaridan foydalanish bo‘yicha tushuntirish ishlari olib borildi.
Shuningdek, xavfsizlik qoidalariga oid zaruriy eslatmalar tarqatilib, kuz-qish mavsumini xotirjam va xavfsiz o‘tkazish bo‘yicha amaliy tavsiyalar berildi.
Bunday tadbirlar talaba yoshlar va pedagog xodimlarning ogohligini oshirish, favqulodda vaziyatlarning oldini olishda muhim ahamiyat kasb etadi.