xalqaro hamkorlik
Termiz davlat pedagogika instituti va Kazan federal universiteti Elabuga instituti hamkorligida amalga oshirilayotgan “1+1” dasturi doirasida 2025–2026 o‘quv yilida Ona tili va adabiyoti (rus tili) magistratura yo‘nalishi bo‘yicha magistrantlar o‘qishga yuborildi.
2025-yil 25–30 sentyabr kunlari Termiz davlat pedagogika instituti Tillar fakulteti dekani A.A. Umarov boshchiligida, Elabuga instituti direktori M.F. Umarov, o‘quv ishlari bo‘yicha direktor o‘rinbosari S.Yu. Baxvalov, shuningdek, Pedagogika va filologiya fakulteti dekani E.A. Osadchiy va xalqaro bo‘lim vakillari bilan uchrashuvlar tashkil etildi.
Uchrashuv davomida magistrantlarga:
o‘quv jarayoni,
yashash sharoitlari,
ta’lim jarayonida qo‘llaniladigan zamonaviy yondashuvlar haqida batafsil tushuntirish berildi.
Shuningdek, mazkur dastur doirasida yangi shartnoma imzolash yuzasidan muzokaralar olib borildi va Termiz davlat pedagogika instituti rahbariyatiga esdalik sovg‘alari topshirildi.
Ushbu hamkorlik ikki oliygoh o‘rtasida ta’lim sohasidagi aloqalarni mustahkamlash, yosh mutaxassislarning bilim va ko‘nikmalarini xalqaro darajada rivojlantirishga xizmat qiladi.