Assalomu alaykum! Muhtaram ustoz va murabbiylar! Qadrli hamkasblar!
Avvalo, o‘z umrini mashaqqatli va sharafli ishga bag‘ishlab kelayotgan sizdek mehribon ustozlarni 1-oktabr — "Oʻqituvchi va murabbiylar kuni" bilan samimiy muborakbod etaman.
Vatan va xalq manfaati uchun sidqidildan kurashadigan, o‘zining mustaqil va sog‘lom fikriga ega, salohiyati yuqori, shahdi baland yoshlarni tarbiyalash – haqiqatan ezgu va ulug‘ vazifa.
Barchangizga ana shunday sharafli yo‘lda olib borayotgan samarali faoliyatingizda yangi yutuq va muvaffaqiyatlar tilayman.
Xonadonlaringizda doimo tinchlik-xotirjamlik, fayz-u baraka yor bo‘lsin! Hamisha sog‘-omon bo‘lingizlar!
Yana bir bor kasb bayramingiz muborak boʻlsin!
Hurmat bilan,
Termiz davlat pedagogika instituti rektori Azizbek Xasanov