Shu kunlarda Surxondaryo viloyatining turli hududlarida yangi o‘quv binolari, talabalar turar joyi hamda maktabgacha ta’lim tashkilotlari foydalanishga topshirildi. Jumladan:

Termiz tumanidagi “Yangi O‘zbekiston” massivida Termiz davlat pedagogika instituti uchun 1 500 o‘rinli zamonaviy o‘quv binosi foydalanishga topshirildi.

Shuningdek, Termiz davlat pedagogika institutida talabalar uchun barcha qulayliklarga ega bo‘lgan yangi, 5 qavatli va 400 o‘rinli talabalar turar joyi ham o‘z faoliyatini boshladi.

Sariosiyo tumanida esa 52-sonli maktab uchun 120 o‘rinli qo‘shimcha bino qurib bitkazildi.

Shu bilan birga, Sariosiyo tumanidagi 85-sonli umumta’lim maktabining bo‘sh turgan binosi qayta ta’mirlanib, 90 o‘rinli 37-sonli davlat maktabgacha ta’lim tashkiloti sifatida qayta jihozlandi. 

Boysun tumanidagi 3-umumta’lim maktabida esa “Tashabbusli byudjet” dasturi doirasida boshlang‘ich sinflar uchun mo‘ljallangan 90 o‘rinli yangi bino barpo etildi.