TABRIKLAYMIZ!
Raqamli texnologiyalar vazirligi hamda “Mirzo Ulug‘bek vorislari” o‘quv kurslari tomonidan e’lon qilingan grant dasturi natijalari e’lon qilindi!
Ushbu nufuzli tanlovda Talim-tarbiya nazariyasi va metodikasi (boshlang‘ich ta’lim) magistratura yo‘nalishi talabasi — Sabohat Hasanova “O‘yin dizayni va GameDev asoslari” yo‘nalishida GRANT SOHIBASI bo‘ldi!
Sabohat Hasanova o‘z g‘oyalarini o‘yinlar orqali ta’lim tizimiga tatbiq etish, boshlang‘ich ta’limda kreativlikni shakllantirish va o‘qish jarayonini interaktiv metodlar bilan boyitish yo‘lida izchil izlanmoqda.
“Mirzo Ulug‘bek vorislari” — bu kelajak ijodkorlarini tarbiyalovchi maktab. Endilikda talabamiz 6 oylik zamonaviy ta’lim kursida GameDev asoslari, 3D modellashtirish, animatsiya bóyicha platformada amaliy ko‘nikmalarga ega bo‘ladi.
Bu yutuq — nafaqat shaxsiy muvaffaqiyat, balki yoshlar orasida texnologiya va kreativ sohalarga bo‘lgan qiziqishni oshirish yo‘lidagi muhim qadamlardan biri, yangi avlod pedagoglari uchun yo‘l-yo‘riqdir.
Uning g‘alabasi o‘z orzulari yo‘lida izlanayotgan barcha yoshlar uchun ilhom manbai bo‘lib xizmat qiladi.
TerDPI jamoasi nomidan talabamiz va ilmiy rahbari Xaydarova Mahliyo Xabibullayevna tabriklab, yangi bosqichda omad, ilmiy faoliyatlarida muvaffaqiyat, ijodiy parvoz tilaymiz!