“Ma’suliyatli ota-onalik” mavzusida seminar-trening o‘tkazildi
Termiz davlat pedagogika institutida xotin-qizlar innovatsion haftaligi doirasida “Ma’suliyatli ota-onalik” mavzusida seminar-trening tashkil etildi.
Tadbirda Ilmiy ishlar va innovatsiyalar bo‘yicha prorektor Sh. Kuldasheva, Surxondaryo viloyati hokimining o‘rinbosari – Oila va xotin-qizlar boshqarmasi boshlig‘i Zulxumor Xidirova, Psixologiya kafedrasi professori, psixologiya fanlari nomzodi Mehri Norbosheva, institut xotin-qizlar masalalari bo‘yicha rektor maslahatchisi Saida Tursunova, O‘zbek tili kafedrasi mudiri, dotsent Lobar Mardonova hamda Tillar fakultetining faol talaba-yoshlari ishtirok etishdi.
Tadbir davomida mehmonlar ilm-fan, texnologiya va tadbirkorlik sohalarida ayollarning faolligini oshirishga bag‘ishlangan ma’ruzalari bilan chiqish qilib, talabalarga yangi loyihalarini amalga oshirishda amaliy yordam ko‘rsatilishini ta’kidlashdi.
Seminar-treningning asosiy maqsadi – yoshlarni oilaviy hayotga psixologik tayyorlash, yaqin qarindoshlar o‘rtasidagi nikohning salbiy oqibatlarini tushuntirish, reproduktiv huquqlar, sog‘lom turmush tarzi va mas’uliyatli ota-onalik masalalari yuzasidan foydali ma’lumotlar berishdan iborat bo‘ldi.