Termiz davlat pedagogika institutida “Korrupsiyaga qarshi kurashish – hammamizning burchimiz” mavzusida davra suhbati bo‘lib o‘tdi.

Tadbirda o‘quv ishlari bo‘yicha prorektor L. Bozorov, Korrupsiyaga qarshi kurashish “Komplayens-nazorat” tizimini boshqarish bo‘limi boshlig‘i D. Jo‘rayev, hamda Tabiiy fanlar fakulteti dekani P. Tojiyev ishtirok etishdi.

Davra suhbati davomida professor-o‘qituvchilar korrupsion holatlar bilan duch kelganda to‘g‘ri yo‘l tutish, huquqiy me’yorlarga rioya etish hamda bu kabi salbiy holatlarga qarshi kurashishning ahamiyati haqida tushunchalar berishdi. Shuningdek, korrupsiyaning jamiyat rivojiga salbiy ta’siri, uni oldini olishning huquqiy asoslari, halollik va shaffoflik tamoyillarini ta’lim muassasalari hayotiga keng tatbiq etish zarurligi keng muhokama qilindi. 

Tadbir yakunida yoshlarning huquqiy ongi va madaniyatini yuksaltirish, korrupsiyaga nisbatan murosasiz munosabatda bo‘lish hamda halollikni hayot mezoniga aylantirish har bir fuqaroning burchi ekanligi ta’kidlandi.