TerDPI da “Ma’rifat darslari” samarali ravishda olib borilmoqda
Maktabgacha va maktab ta’limi vazirligi tomonidan Milliytarbiya.uz platformasi orqali yangi va dolzarb loyiha — “Kelajak soati” loyihasi amalga oshirilmoqda. Termiz davlat pedagogika institutida talabalarda kelajak kasblariga tayyorgarlik, texnologik tafakkur va ijtimoiy faollikni shakllantirish, o‘z-o‘zini rivojlantirish, raqamli savodxonlik, sog‘lom turmush tarzi, ekologiya va ma'naviyat masalalarida ongli qarash hosil qilish, talabalarni yurt ravnaqiga hissa qo‘shishga ilhomlantirish maqsadida “Kelajak soatlari” loyihasining “Boqiy shahar” rukni doirasida o‘tkazilayotgan “Ma’rifat darslari” olib borilmoqda.
Xususan, bugun institut Yoshlar masalalari va ma'naviy-ma'rifiy ishlar bo'yicha birinchi prorektor U.Turamuratov tomonidan Tillar fakulteti talabalariga boqiy shaharlarimiz - Samarqand, Buxoro, Termiz va Xiva kabi shaharlarimiz tarixi, ularning mamlakatimizning turistik rivojlanishida tutgan roli va ahamiyati haqida atroflicha ma’lumotlar berildi.
Ma'lumot o'rnida, Milliytarbiya.uz platformasiga kirish orqali barcha talabalar uchun video darslar, taqdimotlar, topshiriqlar va interaktiv materiallar taqdim etiladi.