“Besh tashabbus olimpiadasi” doirasida “Intellektual olimpiada” o‘tkazildi!
Yoshlarning ijtimoiy faolligini oshirish, ularning intellektual salohiyatini yuzaga chiqarish, shuningdek, jamoaviy ishlash ko‘nikmalarini rivojlantirish maqsadida Termiz davlat pedagogika instituti tomonidan “Besh tashabbus olimpiadasi” doirasida tashkil etilgan “Intellektual olimpiada”ning institut bosqichi o'tkazildi.
Mazkur musobaqada 30 dan ortiq jamoalar ishtirok etib, o‘zlarining tarix, adabiyot, matematika, texnologiyalar, san’at va zamonaviy dunyoqarashga oid bilimlarini sinovdan o‘tkazishdi. O‘yinning har bir bosqichi ishtirokchilardan nafaqat bilim, balki topqirlik, mantiqiy fikrlash, tezkorlik va jamoaviy uyg‘unlikni talab qildi.
Intellektual bellashuv jarayoni juda qizg‘in, murosasiz va hayajonli muhitda o‘tdi. Ishtirokchilar savollarga javob berar ekan, nafaqat o‘z bilimlarini namoyon etdilar, balki o‘zaro hurmat, sog‘lom raqobat va bilimga bo‘lgan ishtiyoqni ham ko‘rsatishdi.
Yakuniy natijalarga ko‘ra quyidagi jamoalar g‘oliblikni qo‘lga kiritdi:
1-o‘rin — "Bilimdonlar" jamoasi
2-o‘rin — "Bilim shamchiroqlari" jamoasi
3-o‘rin — "Yorqin aql egalari" jamoasi
G‘olib jamoalar tashkilotchilar tomonidan diplom, esdalik sovg‘alari va tashakkurnomalar bilan taqdirlandi. Barcha ishtirokchilarga esa faol ishtirok va intellektual salohiyatini namoyon etgani uchun minnatdorchilik bildirildi.
Mazkur tadbir – yoshlarga bilimli bo‘lish, erkin fikrlash, o‘z ustida ishlash va ijtimoiy hayotda faol bo‘lish yo‘lida katta motivatsiya berdi.