O‘zbek tili bayrami munosabati bilan ma’naviy-ma’rifiy tadbir o‘tkazildi
Termiz shahrida joylashgan Yoshlar markazi binosida "O‘zbek tiliga Davlat tili maqomi berilgan kun" munosabati bilan “Til millatning ruhi, xalqning g‘ururi” mavzusida bayram tadbiri bo‘lib o‘tdi. Tadbir Termiz davlat pedagogika instituti hamda “Milliy tiklanish” demokratik partiyasi Surxondaryo viloyat Kengashi hamkorligida tashkil etildi.
Unda partiya faollari, xalq deputatlari, professor-o‘qituvchilar va talaba-yoshlar ishtirok etdilar. Dastur doirasida “Ommaviy diktant” loyihasi g'oliblari tashakkurnoma va esdalik sovg‘alari bilan taqdirlandilar.
Tadbir davomida davlat tilining nufuzi, uning xalq ma’naviyatidagi o‘rni hamda yoshlar orasida ona tiliga hurmat va ehtiromni kuchaytirish masalalariga alohida e’tibor qaratildi.