TerDPI “Surxon sanoat qurilishi” kompaniyasi bilan hamkorlik memorandumini imzoladi.
Termiz davlat pedagogika institutida tadbirkorlar va professor-oʻqituvchilar uchrashuvi boʻlib oʻtdi.
Tadbirni Termiz davlat pedagogika instituti rektori A.Xasanov ochib berdi. “Surxon Sanoat Qurilish” kompaniyasi boshqaruv raisi B.Qodirov tomonidan institut xodimlarini qoʻllab-quvvatlash, ular uchun qulay uy-joy sharoitlarini yaratish hamda moddiy ragʻbatlantirish maqsadida amalga oshirilgan “Oliy ta’lim xodimlari uchun uy-joy aksiyasi-2025” dasturi taklif qilindi.
Shuningdek, tomonlar tadbir davomida o‘zaro manfaatli hamkorlik yo‘nalishlarini muhokama qilib, ta’lim va ishlab chiqarish integratsiyasini kuchaytirish bo‘yicha fikr almashdilar.
Tadbir yakunida Termiz davlat pedagogika instituti va “Surxon sanoat qurilishi” kompaniyasi o‘rtasida malakali kadrlar tayyorlash, ilmiy-amaliy loyihalarni amalga oshirish, ishlab chiqarishdagi dolzarb muammolarni yechishda institut olimlarining salohiyatidan foydalanish bo‘yicha Hamkorlik memorandumi imzolandi.
Mazkur memorandum ikki tomonlama aloqalarni yangi bosqichga olib chiqish, amaliy tajriba almashinuvi va yosh mutaxassislarning bandligini ta’minlashda muhim hujjat bo‘lib xizmat qiladi.