TerDPI Tillar fakultetida “Kelajak soati” samarali tashkil etildi.

Fakultetning yuqori bosqich talabalari uchun Amaliy ingliz tili kafedrasi mudiri S.Kabilova tomonidan “Davlat tili – millatning ruhi va iftixori” mavzusida ma’rifat darsi o‘tkazildi.

Dars davomida ona tilimizga bo‘lgan ehtirom va yuksak e’tibor haqida so‘z yuritilib, O‘zbek tili – bizning ona tilimiz, bebaho boyligimiz, ajdodlarimizdan avlodlarga o‘tib kelayotgan ma’naviy ko‘prik ekani ta’kidlandi. Til orqali xalqimiz o‘z tarixini, urf-odatlarini, qadriyatlarini va orzu-umidlarini ifoda etishi, shuningdek, u millatning kimligi va yo‘nalishini belgilovchi mezon ekani qayd etildi.