O‘zbek tili bayrami munosabati bilan Termiz davlat pedagogika institutida ma’rifat darsi o‘tkazildi
O‘zbekiston Respublikasi Prezidenti Shavkat Mirziyoyev xalqimizni O‘zbek tili bayrami kuni bilan tabriklab, sun’iy intellekt texnologiyalari uchun O‘zbek tili milliy korpusini yaratish bo‘yicha muhim topshiriq berdi.
Shu munosabat bilan, Gumanitar yo‘nalishlarda xorijiy tillar kafedrasi tomonidan Maktabgacha va boshlang‘ich ta’limda xorijiy til (ingliz tili) hamda Xorijiy til va adabiyoti (nemis tili) ta’lim yo‘nalishlari talabalari uchun ma’rifat darsi o‘tkazildi.
Tadbirga kafedra mudiri, p.f.f.d. PhD, dotsent Shirnazarova Zamira rahbarlik qildi. Ma’rifat darsi davomida talabalar Prezidentning nutqida ilgari surilgan tashabbusning mohiyati, O‘zbek tili korpusi yaratish g‘oyasining maqsad va ahamiyati bilan tanishtirildi.
Talabalarga til korpusi tushunchasi, uning turlari va tuzilishi, shuningdek, sun’iy intellekt tizimlarida, avtomatik tarjima dasturlarida, ovozli yordamchilarda hamda matn tahlilida korpuslarning tutgan o‘rni haqida batafsil ma’lumot berildi.