"Kelajak soati" rukni ostidagi navbatdagi “Ma’rifat darsi”

Bugun, Termiz davlat pedagogika instituti rektori A.Xasanov Tillar fakulteti talabalariga "Kelajak soati" rukni ostidagi  "O‘zbekiston va jahon" mavzusida navbatdagi ma’rifat darsini o‘tdi.
Dars avvalida rektor talabalarga o‘qish jarayonida chuqur bilim olish, o‘z ustida muntazam ishlash va kelajakda munosib kadr bo‘lib yetishish zarurligini ta’kidladi.

Ma’rifat soati davomida rektor talabalarga O‘zbekistonning bugungi kundagi yutuqlari, xalqaro maydondagi o‘rni hamda davlatimiz rahbari tomonidan ta’lim sohasida yoshlarga yaratilayotgan keng imkoniyatlar haqida so‘z yuritdi. Shuningdek, O‘zbekiston dunyo davlatlari bilan hamkorligini mustahkamlab, yangi texnologiyalar, ilm-fan, ta’lim va iqtisodiy sohalarda ham sezilarli yutuqlarga erishayotgani haqida fikrlashildi.

Shundan so‘ng, videorolik va taqdimotlar orqali O‘zbekistonning jahon siyosatidagi o‘rni, xalqaro tashkilotlar, savdo, turizm sohalari bo‘yicha foydali ma’lumotlar berildi. Bu talabalarning mavzu haqida batafsil va kengroq tushuncha olishiga xizmat qildi.

Mazmunli kechgan ma’rifat darsi qizg‘in savol-javoblar, munozaralarga boy o‘tdi.