Termiz davlat pedagogika instituti Turkiyaning nufuzli Gelisim universiteti bilan hamkorlik memorandumini imzoladi.

Mazkur kelishuv Gelisim universitetining rektori Prof.Dr. Bahri Sahin va TerDPI ilmiy ishlar va innovatsiyalar bo‘yicha prorektor Sh. Kuldasheva bilan hamkorlik memorandumi imzolandi.

Shuningdek, Xalqaro talabalar bilan ishlash boʻlimi boshlig'i Umedjon Haitmurodov, pedagogika, kimyo, ijtimoiy gumanitar va rassomchilik yoʻnalishi mutaxassislari bilan davra suxbat olib borilib kelgusida qo‘shma konferensiyalar tashkil etish, pedagogik amaliyotda innovatsion yondashuvlarni joriy etish va ilmiy-ta’lim aloqalarini yanada mustahkamlash rejalashtirildi.

Ushbu hamkorlik memorandumidan ko'zlangan maqsad ikki oliy ta’lim muassasasi o‘rtasida tajriba almashish, qo‘shma ilmiy tadqiqotlar, ta’lim dasturlari hamda akademik almashinuvlarni rivojlantirishdan iborat.

Biz ishonamizki, bu hamkorlik TerDPI talabalari va professor-o'qituvchilari uchun yangi imkoniyatlar eshigini ochadi hamda kasbiy rivojlanishning yangi bosqichiga olib chiqadi.