TerDPIda “Yosh kitobxon” ko'rik tanlovi o'tkazildi
Termiz davlat pedagogika instituti Rus tilida tahsil oluvchi talabalar o‘rtasida kitobxonlik madaniyatini oshirish, yoshlarni ma’naviy yetuklik va kitobga muhabbat ruhida tarbiyalash maqsadida “Yosh kitobxon” ko‘rik-tanlovi o‘tkazildi.
Tanlovda institutning 9 ta jamoalari ishtirok etib, bilim va zehn sinovlarida o‘zaro bellashdilar. Tanlov “Men sevgan asar” hamda “Asarlar bo‘yicha savol-javob” shartlari asosida tashkil etildi.
Bellashuv yakuniga ko‘ra:
1-o‘rin — Taraqqiyot jamoasi,
2-o‘rin — Turkiston jamoasi,
3-o‘rin — Ziyo izdoshlari jamoasiga nasib etdi.
G‘olib va sovrindorlar pul mukofotlari bilan taqdirlanadi.