Kitob mutolaasiga yangicha yondashuv
О’zbek adabiyoti ummondan bir tomchi bo‘lsa, jahon adabiyoti bir ummon yangligdir. Biz esa ana shu ummondan ma’naviy ozuqa olamiz, dunyoqarashimizni kengaytiramiz.
Termiz davlat pedagogika instituti ilmiy ishlar va innovatsiyalar bo‘yicha prorektori, prof. Shaxnoza Kuldasheva Turkiyaga safari davomida Turkiya axborot resurs markazida bo‘ldi. U yerda kitob mutolaasiga yangicha yondashuvni kuzatib, bu mashg‘ulot millat, hudud, makon va zamon tanlamasligiga amin bo‘lgan holda, ayni jihatlarni o‘zimizda qo‘llashni maqsad qildi.
"Bugun yoshlar tinimsiz o‘qish-o‘rganishda, izlanishda, o‘zlarini har tomonlama kamolga yetkazish yo‘lida ildam odimlashmoqda. Ha, intilgan yutadi, o‘qigan, kitobni oshno tutgan insonlarning fikrlari teran, taklif va tashabbuslari qimmatli, g‘oya va loyihalari esa muhim ahamiyatga ega. Biz esa ana shunday yoshlarni kamolotga yetkazishga bel bog‘laganmiz. Sa’y-harakatlarimiz yaqin kelajakda o‘z natijasini ko‘rsatishiga shubha yo‘q" dedi prorektor Shaxnoza Abdulazizovna.