Termiz davlat pedagogika instituti rektori A. Xasanov Jarqo‘rg‘on tumanidagi 66-maktabda bo‘ldi.

Maktabgacha va maktab ta’limi vazirining Surxondaryo viloyatiga tashrifi doirasida berilgan topshiriqlar ijrosi yuzasidan mazkur ta’lim muassasasida faoliyat olib borayotgan robotatexnika hamda axborot texnologiyalari (IT) yo‘nalishidagi to‘garaklar faoliyati o‘rganildi.

Rektor A.Xasanov maktab o‘quvchilari uchun yaratilgan sharoitlar bilan yaqindan tanishib, ularning qiziqishi va ijodkorligini qo‘llab-quvvatlash zarurligini ta’kidladi. Shu bilan birga, to‘garaklar faoliyatini yanada takomillashtirish, o‘quvchilarning texnik va axborot savodxonligini oshirishda oliy ta’lim muassasasi professor-o‘qituvchilari hamda talabalarining ishtirokini kuchaytirish masalalari muhokama qilindi.

Uchrashuv davomida institut va maktab o‘rtasida o‘zaro hamkorlikni rivojlantirish, ta’lim sifatini oshirishga qaratilgan  “4+2” dasturi doirasida Texnologik ta’lim va Informatika ta’lim yo‘nalishi talabalari uchun amaliyot mashg‘ulotlarini aynan ushbu maktab bazasida tashkil etish bo‘yicha kelishib olindi.