E’tirof

Termiz davlat pedagogika institutida 25-oktabr – Ichki ishlar organlari xodimlari kuni munosabati bilan bayramona ruhda tadbir tashkil etildi.

Tadbirda soha vakillarining jamiyatda tartib-intizomni mustahkamlash, yoshlarni Vatanga sadoqat, qonunlarga hurmat ruhida tarbiyalash, huquqbuzarliklarning oldini olish borasidagi faoliyati alohida ta’kidlandi.

Shuningdek, institutda talaba-yoshlar orasida huquqiy madaniyatni yuksaltirish, sog‘lom muhitni ta’minlash yo‘lida samarali mehnat qilayotgan bir guruh ichki ishlar xodimlari rahbariyat tomonidan e’tirof etildi.

Ularning fidokorona xizmatlari munosib qadrlanib, esdalik sovg‘alari hamda tashakkurnomalar topshirildi.