ochiq dars

Falsafa, ma’naviyat asoslari va huquq ta’limi kafedrasi o'qituvchisi  O'. Qurbonaliyev tomonidan “Ma’naviy-ma’rifiy ishlarni tashkil etish metodikasi” fanidan Milliy g‘oya, ma’naviyat asoslari va huquq ta’limi yo‘nalishi 4-bosqich talabalari uchun “Oliy ta’lim muassasalarida  tashkil etiladigan ma’naviy-ma’rifiy tadbirlar” mavzusida ochiq dars o‘tkazildi.

Dars jarayonida Oliy ta’lim muassasalarida  tashkil etiladigan ma’naviy-ma’rifiy tadbirlarning maqsadi, vazifalari, turlari va ularni tashkil etishda e’tiborga olinadigan jihatlar ilmiy asosda tahlil qilindi. Talabalar dars jarayonida mavzu yuzasidan berilgan muammoli vaziyatlarga o'z fikrlarini bildirishi orqali faol jalb etildi.

Oliy ta’lim tizimida ma’naviy-ma’rifiy tadbirlarni tashkil etishning bosh maqsadi — talaba-yoshlarni milliy g‘oya va ma’naviy qadriyatlarga sodiq, mustaqil fikrlaydigan, ijtimoiy faol, vatanparvar shaxslar etib tarbiyalashdan iborat.
Bu maqsad O‘zbekiston Respublikasi Prezidenti tomonidan ilgari surilgan “Ma’naviy yuksalish – Yangi O‘zbekiston taraqqiyotining poydevori” g‘oyasi bilan uzviy bog‘liqdir.