Termiz davlat pedagogika institutida yo‘l-transport hodisalarining oldini olishga bag‘ishlangan profilaktik targ‘ibot seminar-davra suhbati o‘tkazildi
2025-yil 31-oktabr kuni Termiz davlat pedagogika instituti Tillar fakultetida yo‘l harakati xavfsizligini ta’minlash va talabalarda ushbu borada huquqiy madaniyatni oshirish maqsadida profilaktik tadbir tashkil etildi.
Tadbirda Viloyat IIB JXX YHXB Axborot guruhi inspektori safdor H. Abrayqulov, Viloyat IIB JXX YHXB UO‘ va O‘MTM bilan hamkorlik qilish guruhi katta inspektori leytenant E. Chorshanbiyev, shuningdek, institut profilaktika inspektorlari S. Amanov va B. Allaberdiyevlar ishtirok etdilar.
Uchrashuv davomida talabalarga yo‘l harakati qoidalariga rioya qilishning ahamiyati, piyodalar, haydovchilar va velosipedchilar ishtirokidagi yo‘l-transport hodisalarining oldini olish choralari, shuningdek transport vositalaridan foydalanishda ehtiyotkorlik va mas’uliyat masalalari haqida batafsil tushuntirishlar berildi.
Shuningdek, yoshlar o‘rtasida profilaktik ishlarni kuchaytirish borasidagi ma’lumotlar ham taqdim etildi.