MA’RIFATLI AYOL — JAMIYAT TARBIYACHISI!
Termiz davlat pedagogika instituti Tillar fakultetida “O‘z kelajaging uchun o‘zing mas‘ulsan” shiori ostida “Oila — muqaddas dargoh” mavzusida ma’naviy-ma’rifiy tadbir bo‘lib o‘tdi.
Tadbirda falsafa fanlari bo‘yicha falsafa doktori, “Shuhrat” medali, “Mehnat shuhrati” ordeni sohibasi, Surxondaryo viloyati Ma’rifatli ayol jamiyati rahbari R.Rahimova, Termiz tumani hokimining xotin-qizlar masalalari bo‘yicha o‘rinbosari M.Rasulova hamda Termiz tumani axborot-resurs markazi direktori M.Qurbonova ishtirok etishdi.
Ma’rifatli ayollar talaba-qizlar bilan o‘z hayot yo‘li, ilmiy faoliyati va tajribalari haqida suhbatlashib, ularga ishonch, sabr va motivatsiya bag‘ishladilar. Tadbir davomida talabalarning ijrosidagi she’rlar va qo‘shiqlar ishtirokchilarga a’lo kayfiyat ulashdi.
Mazkur tadbirda O‘zbek tili va adabiyoti yo‘nalishi 3-bosqich talabalari faol ishtirok etishdi.
Tadbir tashkilotchilari:
Xotin-qizlar masalalari bo‘yicha fakultet dekani o‘rinbosari N.Xamidova va fakultet tyutori N.Jo‘rayeva.