Yoshlar ittifoqi boshlang‘ich tashkilotining hisobot-saylov yig‘ilishi bo‘lib o‘tdi!
Oʻzbekiston Respublikasi Oliy ta'lim, fan va innovatsiyalar vazirligi hamda O'zbekiston yoshlar ittifoqi Markaziy Kengashi oʻrtasida 2023-yil 29-martdagi QQ-6-1- sonli Qo'shma qaroriga muvofiq har 6 oyda Ilmiy Kengashda oliy ta'lim muassasalaridagi boshlang'ich tashkilot yoshlar yetakchilarining xisobotlari tinglanishi va ular tomonidan amalga oshirilgan ishlar yuzasidan Ilmiy Kengash a'zolari tomonidan baholanishi boʻyicha Qoʻshma qarorda belgilangan.
Yuqoridagilardan kelib chiqib, Termiz davlat pedagogika insitutida Yoshlar ittifoqi boshlang‘ich tashkilotining hisobot-saylov yig‘ilishi bo‘lib o‘tdi.
Yig‘ilishda nomzodning kelgusida rejalashtirilgan ishlar yuzasidan hisobotlar tinglandi, talaba-yoshlarning tashabbuskorligi, ijtimoiy faolligi va turli yo‘nalishlarda erishilgan yutuqlar tahlil qilindi.
Shuningdek, yangi o‘quv yilida Yoshlar ittifoqi faoliyatini yanada takomillashtirish, yoshlar bandligini ta’minlash, ularning iqtidor va salohiyatini yuzaga chiqarish borasida muhim vazifalar belgilab olindi.