“Qadring baland bo‘lsin – ona tilim!”
Til – davlat timsoli, mulki, ruhi, millatning madaniy va ma’naviy boyligi, xalqning madaniyati, urf-odati, uning turmush tarzi, tarixidir.
21-oktabr - "O‘zbek tiliga Davlat tili maqomi berilgan” kun munosabati bilan Termiz davlat pedagogika instituti Boshlang'ich ta'lim metodikasi kafedrasida “Qadring baland bo‘lsin – ona tilim!” mavzusida ma’naviy-ma’rifiy tadbir tashkil etildi.
Tadbirda yoshlar bilan ishlash bo'yicha dekan o'rinbosari A. Tursunov, Boshlang'ich ta'lim metodikasi kafedrasi professor-o‘qituvchilari, tyutorlar va talabalar ishtirok etishdi.
Tadbir davomida iqtidorli talabalar tomonidan tilga oid she'r, ruboiy va g‘azallar o'qildi, sahna ko'rinishi namoyish etildi.