18-noyabr — O‘zbekiston Respublikasi Davlat bayrog‘i qabul qilingan kun
18-noyabr Vatanimiz tarixidagi muhim sanalardan biri bo‘lib, O‘zbekiston Respublikasi Davlat bayrog‘i qabul qilingan kun sifatida har yili alohida bayram tarzida keng nishonlanadi. Joriy yilda ham ushbu sana munosabati bilan yurtimiz bo‘ylab “Bir Vatan, bir el, bir bayroq!” shiori ostida turli tadbirlar o‘tkazilmoqda.
Shu munosabat bilan bugun Termiz davlat pedagogika institutidaham tantanali tadbir tashkil etildi. Tadbirda institut rahbariyati, Surxondaryo viloyat prokuraturasi vakillari, “Milliy tiklanish” demokratik partiyasi a’zolari, Yoshlar ishlari agentligi viloyat boshqarmasi hamda oliygohning talaba-yoshlari ishtirok etdi.
Uchrashuv davomida Davlat bayrog‘imizning tarixiy ahamiyati, undagi rang va ramzlarning mazmun-mohiyati, bayroqning yurtimiz mustaqilligi va davlatimiz timsoli sifatidagi o‘rni haqida so‘z yuritildi. Tadbir yoshlarda vatanparvarlik, milliy g‘urur va yurtga sadoqat tuyg‘ularini yanada mustahkamlashga xizmat qiladi.