TerDPI jamoasi “Besh tashabbus olimpiadasi” viloyat bosqichida mutlaq g‘olib bo‘ldi
Surxondaryo viloyatida faoliyat yuritib kelayotgan oliy ta’lim muassasalari o‘rtasida “Besh tashabbus olimpiadasi” doirasida sportning 5 turi bo‘yicha musobaqalar tashkil etildi. Sog‘lom raqobat ruhida o‘tkazilgan musobaqalar yakuniga ko‘ra, Termiz davlat pedagogika instituti jamoasi barcha yo‘nalishlarda yuqori natija qayd etib, mutlaq g‘oliblikni qo‘lga kiritdi hamda respublika bosqichida viloyatimiz sha’nini himoya qilish sharafiga ega bo‘ldilar.
Natijalar quyidagicha:
Streetbol (o‘g‘il bolalar) — 1-o‘rin
Stol tennisi (qizlar) — 1-o‘rin
Yengil atletika — 1-o‘rin
Voleybol (qizlar) — 1-o‘rin
Mini futbol — 1-o‘rin
Bugun Termiz davlat pedagogika instituti rektori Azizbek Xasanov sportchilar bilan uchrashuv o‘tkazib, ularni samimiy tabrikladi va esdalik sovg‘alari bilan taqdirladi.
Mazkur yutuq TerDPI sportchilari, murabbiylari hamda institut rahbariyatining mas’uliyatli mehnati va jamoaviy hamjihatligining yorqin ifodasidir.