Termiz davlat pedagogika institutida rahbar va yoshlar uchrashuvi bo‘lib o‘tdi.

Uchrashuvda O'zbekiston mahallalari uyishmasi Surxondaryo viloyati boshqarmasi boshlig'i S.Abduraimov so‘nggi yillarda yoshlarimiz uchun oliy ta’lim olish, kasb-hunar egallash va o‘z salohiyatini ro‘yobga chiqarish borasida mamlakatimizda Prezidentimiz tomonidan yaratilayotgan keng imkoniyat va shart-sharoitlar haqida so‘z yuritdi.

Shuningdek, bugungi globallashuv sharoitida yoshlarning bilimli, tashabbuskor va raqobatbardosh bo‘lishi zarurligi ta’kidlanib, ularni qo‘llab-quvvatlash davlat siyosatining muhim yo‘nalishlaridan biri ekani qayd etildi.

 Bunday uchrashuvlar yoshlar uchun nafaqat ruhiy ko‘mak, balki ularga katta maqsadlar sari dadil qadam tashlash, o‘z ustida muntazam ishlash va jamiyatda faol bo‘lishga undovchi mustahkam turtki bo‘lib xizmat qiladi.