Termiz davlat pedagogika institutida ma’naviy-ma’rifiy ishlar samaradorligi va kuz–qish mavsumiga tayyorgarlik masalalariga bag‘ishlangan yig‘ilish o‘tkazildi.
Yig‘ilishda institut rektori mas’ul rahbarlar va tyutorlarga talabalarning yashash sharoitlari, xususan ijara uylaridagi holatni muntazam o‘rganib borish, yong‘in va sanitariya xavfsizligi talablariga rioya etilishi ustidan nazoratni kuchaytirish vazifalarini topshirdi. Aniqlangan kamchiliklarni bartaraf etish bo‘yicha aniq choralar belgilandi.
Shuningdek, noyabr–dekabr oylarida institutda “Xavfsizlik oyligi” o‘tkazilishi, “Gazdan xavfsiz foydalanish” mavzusida keng qamrovli targ‘ibot ishlari olib borilishi, videorolik va eslatmalar tayyorlab, ularni ijtimoiy tarmoqlarda muntazam yoritib borish belgilandi.
Yig‘ilish davomida O‘zbekiston Respublikasi Vazirlar Mahkamasining 2025-yil 17-oktabrdagi 656-son qarori ijrosi yuzasidan amalga oshirilishi lozim bo‘lgan vazifalar ham muhokama qilinib, tegishli mas’ullarga topshiriqlar berildi.