“Milliy qadriyatlarni qadrlaymiz”
Termiz davlat pedagogika instituti tomonidan “InnoWeek 2025: Milliy madaniyat va innovatsion rivojlanish haftaligi” doirasida milliy ko‘rgazmalar namoyishi tashkil etildi.
Tadbirda institutning o‘quv ishlari bo‘yicha prorektori L. Bozorov, Tillar fakulteti dekani A. Umarov, O‘zbek tili va adabiyoti kafedrasi professor-o‘qituvchilari, talabalar hamda MTDP Surxondaryo viloyat Kengashining bosh mutaxassisi Ra’no Xudayqulova ishtirok etishdi.
Dastur davomida milliy hunarmandchilik namunalari, milliy liboslar ko‘rgazmasi, badiiy chiqishlar taqdim etildi. Haftalik doirasida o‘tkazilgan ushbu loyihada hakamlar hay’ati tomonidan berilgan ballar asosida eng munosib g‘olib guruhlar aniqlanib, e’lon qilindi.
G‘oliblar va faol ishtirokchilar institut rahbariyati tomonidan tashakkurnoma hamda esdalik sovg‘alari bilan taqdirlandi.
Ushbu ko‘rgazma milliy qadriyatlarimizni avloddan-avlodga yetkazish, yoshlar ongida milliy o‘zlik va madaniyatga hurmat tuyg‘usini mustahkamlashda muhim ahamiyat kasb etadi.