Milliy bank mas’ullari bilan bitiruvchi kurs talabalari o’rtasida uchrashuv o’tkazildi

Xabaringiz bor joriy yilning 14-fevral kuni davlatimiz rahbari mamlakatimiz yoshlari bilan muloqoti chog‘ida  yoshlar tadbirkorligida mutlaqo yangi davrni boshlab beradigan uchta muhim qaror qabul qilganini ta’kidlab, jumladan, ta’lim muassasalarini bitirayotgan yoshlar bandligini ta’minlash bo‘yicha yangi tizim yaratilishini ma’lum qilgan edilar. 

Bugun mazkur qaror ijrosi doirasida Termiz davlat pedagogika institutida O’quv ishlari bo’yicha prorektor L.Bozorov, Milliy bank davlat dasturlarini boshqarish bo’lim boshlig’i B.Sanayev bilan bitiruvchi kurs talabalari o’rtasida uchrashuv o’tkazildi. 

Uchrashuv davomida bank mas’uli tomonidan “Kelajakka qadam” dasturi haqida ma’lumotlar berilib, talabalarning tadbirkorlik faoliyatini rivojlantirish, startap loyihalarini qo’llab-quvvatlash bo’yicha bank tomonidan beriladigan imtiyozli kreditlar to’g’risida batafsil ma’lumotlar berildi.

Shuningdek, talabalar o’zlarini qiziqtirgan savollarga mutaxassis tomonidan atroflicha javob olishdi.