Milliy bank va oliygohlar o‘rtasida “Kelajakka qadam” dasturi doirasida hamkorlik kelishuvlari imzolandi

2025 yil 20 mart kuni Oliy ta’lim, fan va innovatsiyalar vazirligida Toshkent viloyati va Toshkent shahridagi oliy ta’lim tashkilotlarining rektorlari ishtirokida yig‘ilish o‘tkazildi. Yig‘ilishda Toshkent shahrining 40 ta va Toshkent viloyatining 9 ta oliy ta’lim tashkiloti o‘rtasida hamkorlik kelishuvlari imzolandi.

Mazkur hamkorlik kelishuvi doirasida yoshlarning bandligini ta’minlash va oliy ta’lim tashkilotlari bitiruvchilarining mehnat bozoriga integratsiyasini kuchaytirish maqsadida “Kelajakka qadam” dasturi amalga oshiriladi. O‘zbekiston Milliy bankining “Kelajakka qadam” markazi oliygohlar bitiruvchilariga ishga joylashishda yordam beradi, ularning biznes g‘oyalarini amalga oshirish uchun biznes ko‘nikmalarini shakllantirishga ko‘maklashadi va moliyaviy qo‘llab-quvvatlaydi.

Batafsil: https://gov.uz/oz/edu/news/view/41430