8-dekabr – O‘zbekiston Respublikasi Konstitutsiyasi qabul qilinganining 33 yilligi munosabati bilan ma'naviy-ma'rifiy uchrashuv tashkil etildi.
Uchrashuvda Surxondaryo viloyat sudining jinoyat ishlari bo‘yicha sudyasi I.Abrayev “O‘zbekiston Respublikasi Konstitutsiyasida raqamli zo‘ravonlik uchun javobgarliklar” mavzusida ma’ruza qilib, talabalarga zarur huquqiy bilimlarni yetkazdi hamda mazkur yo‘nalishdagi dolzarb masalalarga alohida to‘xtalib o‘tdi.
Shuningdek, uchrashuvda “Milliy tiklanish” demokratik partiyasi viloyat kengashi o‘rinbosari A.Avliyoqulov va Falsafa va ma’naviyat asoslari fani o‘qituvchisi U.Qurbonaliyev ham ishtirok etib, mavzuga oid o‘z fikr-mulohazalarini bildirdilar.
Uchrashuv davomida talabalarning huquqiy savodxonligini oshirish, raqamli makonda xavfsizlik madaniyatini mustahkamlashning ahamiyati keng yoritildi.