XUSH XABAR

Avval xabar berganimizdek  Indoneziyaning UI Green Metrics agentligi tomonidan jahon universitetlarining ekologik barqarorlik bo‘yicha 2025-yil uchun yakuniy natijalari e’lon qilindi.

Termiz davlat pedagogika instituti o‘tgan yilgi 892-o‘rindan ko‘tarilib, bu yil TOP-1000 ta’lim muassasalari orasida munosib ravishda 790-o'rinni egalladi!

Bu natija — institutda olib borilayotgan ekologik barqarorlik, yashil muhit yaratish, energiya samaradorligi va atrof-muhitni muhofaza qilish borasidagi tizimli ishlarning xalqaro miqyosda e’tirof etilganidan dalolatdir.

 Ma’lumot o‘rnida, O‘zbekiston OTMlari orasidan Toshkent davlat yuridik universiteti, Toshkent davlat iqtisodiyot universiteti, Toshkent davlat pedagogika universiteti, Buxoro davlat universiteti, Farg‘ona davlat universiteti va Samarqand davlat universiteti ham ushbu reytingdan o‘rin egallagan.

 Termiz davlat pedagogika institutining UI Green Metrics reytingida yuqoriga ko‘tarilishi bilan barchani tabriklaymiz!