TerDPI va SPbDU hamkorligida TRKI xalqaro Rus tili imtihonlari sifatini nazorat qilish bo‘yicha tashrif
2025-yil 9-dekabr kuni Termiz davlat pedagogika institutida Sankt-Peterburg davlat universiteti (SPbDU) Til sinovlari markazi tomonidan rejalashtirilgan tekshiruv va metodik tadbirlar o‘tkazildi. Tashrif TerDPI va SPbDU o‘rtasida rus tili bo‘yicha xalqaro test — TRKI imtihonlarini sifatli tashkil etishga qaratilgan hamkorlik doirasida amalga oshirildi.
Tadbirni SPbDU Til sinovlari markazining bosh metodisti Irina Yuryevna Ilicheva olib bordi. U TRKI imtihonlarini o‘tkazish tartibini, mavjud hujjatlar, texnik sharoitlar va jarayonlarning shartnoma talablariga muvofiqligini batafsil o‘rgandi.
Metodik seminar Irina Ilicheva talabalar uchun TRKI imtihonlarining tuzilishi, baholash mezonlari, rasmiylashtirish tartiblari bo‘yicha metodik seminar tashkil etdi. Seminar o‘qituvchilar va talabalar tomonidan katta qiziqish va yuqori baho bilan qarshi olindi.
TerDPI xalqaro standartlar asosidagi ta’lim va baholash jarayonlarini kengaytirishda davom etadi.