"Pazanda qizlar" tanlovi
Talabalar turar joyida hamda ijara xonadonlarida yashovchi talabalarning bo‘sh vaqtini mazmunli tashkil etish maqsadida institut Yoshlar ittifoqi boshlang’ich tashkiloti hamda tarbiyachi-pedagoglar hamkorligida talaba-qizlar o'rtasida “Pazanda qizlar” koʻrik-tanlovi boʻlib oʻtdi.
Mazkur tanlovda ishtirokchi talaba-qizlar o‘zlarining pazandalik borasidagi bilim va ko‘nikmalarini, ijodkorligi hamda taom tayyorlash madaniyatini namoyish etdilar. Tanlov davomida milliy va zamonaviy taomlar tayyorlanib, ularning taqdimoti, bezagi va ta’mi hakamlar hay’ati tomonidan belgilangan mezonlar asosida baholandi.
Tanlov natijalariga ko'ra:
1-oʻrin - 4-TTJ qizlari;
2-oʻrin -1-TTJ qizlari;
3-oʻrin- Ijara qizlari;
Ushbu koʻrik-tanlov talabalar orasida oshpazlik mahoratini oshirish va ijodiy salohiyatni namoyon etish imkonini berdi. Tadbir madaniy an’analarni rivojlantirish va talabalar oʻrtasida sogʻlom raqobatni shakllantirishga xizmat qildi.