“Armiya — jasorat, matonat va bilim maskani” mavzusida uch avlod uchrashuvi tashkil etildi.
Uchrashuvda Surxondaryo viloyati Mudofaa boshqarmasi Faxriylar kengashi raisi, podpolkovnik B.S.Mirzaboyev, uning o‘rinbosari T.X.Bolliyev, shuningdek, harbiy xizmatchilar — leytenant M.Abduraxmonov va serjant I.Haqberdiyev ishtirok etdilar.
Mehmonlar tomonidan Vatanga muhabbat, tinchlikni asrash, harbiy burchga sadoqat hamda milliy qadriyatlarni e’zozlash kabi muhim mavzularda mazmunli ma’ruzalar qilindi. Tadbir davomida yoshlarni vatanparvarlik ruhida tarbiyalash, ularning harbiy sohaga bo‘lgan qiziqishini oshirish masalalariga alohida e’tibor qaratildi.
Mazkur uch avlod uchrashuvi yoshlar qalbida Vatanga sadoqat, mas’uliyat va fidoyilik tuyg‘ularini mustahkamlashga xizmat qildi.