Oliy ta’lim vazirligi vakillari institut faoliyati bilan tanishdi

Oliy ta’Iim tashkilotlarida yoshlarga oid davlat siyosati, ma’naviy-ma’rifiy, tarbiyaviy va sport sog‘lomlashtirish ishlar samaradorligi o‘rganish  maqsadida Oliy ta'lim, fan va innovatsiyalar vazirligi Ishchi guruhi vakillari Termiz davlat pedagogika institutiga tashrif buyurishdi.  

Tashrif davomida mehmonlar Institut Yoshlar masalalari va ma’naviy-ma’rifiy ishlar bo‘yicha birinchi prorektor U. Turamuratov hamrohligida ta'lim, ilm-fan va yoshlar bilan ishlash yo‘nalishidagi faoliyat bilan yaqindan tanishdilar.

Mehmonlarga institutning zamonaviy ta'lim va ilmiy infratuzilmasi, erishilayotgan natijalar hamda talabalarning ijodiy va innovatsion ishlari haqida ma'lumot berildi. 

Shuningdek, o‘quv xonalari, laboratoriyalar, robototexnika xonasi, axborot-resurs markazi faoliyati, talaba turar joylari va ijara asosidagi shart-sharoitlar ko‘zdan kechirildi. Sport inshootlarining tayyorligi, olimpiya sport turlari bo‘yicha sport klublari faoliyati hamda “Talaba-yugur”, “Talabalar ligasi” kabi musobaqalarda talabalar qamrovi o‘rganildi.

Tashrif doirasida “Kelajak soati” rukni ostida o‘tilayotgan “Ma’rifat darslari” va “Ma’rifat ulashib” loyihasi tadbirlarining yuqori saviyada tashkil etilishiga alohida e’tibor qaratildi. Shuningdek, vazirlik tomonidan o‘tkazilayotgan tanlovlar, festival va musobaqalar haqidagi talabalar xabardorligi tahlil qilindi.

Bundan tashqari, jinoyatchilik va huquqbuzarlikning oldini olish, yoshlar bilan ishlash bo‘limi, dekan o‘rinbosarlari va tyutorlar faoliyati, xotin-qizlar qo‘mitasi hamda psixologik xizmat samaradorligi ham o‘rganildi. Talabalarning ijtimoiy-psixologik holatini yaxshilash maqsadida tashkil etilgan xizmat guruhlari faoliyatiga ham alohida e’tibor qaratildi.

Oʻrganish yakunida mehmonlar institutda ma'naviy-ma'rifiy ishlar, ta'lim sifati va yoshlar uchun yaratilayotgan shart-sharoitlarni yuqori baholab, amalga oshirilayotgan ishlarga ijobiy fikr bildirdilar.