Termiz davlat pedagogika institutida xalqaro seminar-trening o‘tkazildi

Termiz davlat pedagogika institutida 2025-yil 22-dekabr kuni Britaniya Kengashi hamkorligida Markaziy Osiyoda ingliz tilini o‘rganishni jadallashtirishga qaratilgan loyiha doirasida PRESETT Leadership Programme bo‘yicha xalqaro seminar-trening tashkil etildi.

Mazkur tadbirda Termiz davlat pedagogika instituti, Termiz davlat universiteti hamda Denov tadbirkorlik va pedagogika institutining ingliz tili yo‘nalishida faoliyat yuritayotgan professor-o‘qituvchilari va soha mutaxassislari ishtirok etdilar.

Seminar davomida pedagog kadrlarni tayyorlash jarayonida liderlik kompetensiyalarini rivojlantirish, ingliz tilini o‘qitishda zamonaviy metodlar va innovatsion yondashuvlarni joriy etish, shuningdek, xalqaro tajribani mahalliy ta’lim tizimiga moslashtirish masalalari yuzasidan atroflicha fikr almashildi.

Shuningdek, oliy ta’lim muassasalarida o‘quv jarayonini takomillashtirish hamda professor-o‘qituvchilarning kasbiy salohiyatini oshirishga doir amaliy tavsiyalar berildi.