Mening dadam — Vatan himoyachisi
Termiz davlat pedagogika instituti Yoshlar ittifoqi boshlang'ich tashkiloti harbiy vatanparvarlik loyihalari koordinatori tomonidan “Mening dadam — Vatan himoyachisi” mavzusida davra suhbati tashkil etildi.
Mazkur davra suhbatida harbiy xizmatchilar oilalarining farzandlari tomonidan harbiylar uchun yaratilgan imtiyozlar, davlat tomonidan ko‘rsatilayotgan ijtimoiy qo‘llab-quvvatlash choralari haqida tengdoshlariga atroflicha ma’lumotlar berildi. Tadbir davomida Vatanga sadoqat, harbiy kasbning sharafi va mas’uliyati, tinchlikni asrash yo‘lida olib borilayotgan fidokorona xizmatning ahamiyati alohida ta’kidlandi.
Davra suhbati ishtirokchilarda vatanparvarlik tuyg‘ularini yanada mustahkamlash, harbiylarga bo‘lgan hurmat va ehtiromni oshirishga xizmat qildi.