“Rektor stipendiyasi” tanlovi e’lon qilinadi. Tanlovda bakalavriatning 2-, 3-, 4-bosqich talabalari hamda magistraturaning 2-bosqich talabalari ishtirok etishi mumkin.

Termiz davlat pedagogika institutida iqtidorli va faol talabalarni rag‘batlantirish maqsadida “Rektor stipendiyasi” tanlovi e’lon qilinadi. Tanlovda bakalavriatning 2-, 3-, 4-bosqich talabalari hamda magistraturaning 2-bosqich talabalari ishtirok etishi mumkin.

 Tanlovda ishtirok etish uchun nomzodlar 2025-yilda yaxshi va a'lo o‘zlashtirish ko‘rsatkichiga ega, ilmiy-tadqiqot va ijtimoiy faoliyatlarda faol qatnashgan, fan, sport va ma'naviy-ma'rifiy tadbirlarda ishtirok etgan bo‘lishlari lozim.

 Hujjat topshirish uchun tavsiyanoma, bajarilgan ilmiy ishlar nusxalari, ilmiy rahbarning taqrizi hamda boshqa zaruriy hujjatlar talab etiladi. Nomzodlar ushbu hujjatlarni belgilangan tartibda to‘plab, Iqtidorli talabalarning ilmiy-tadqiqot faoliyatini tashkil etish bo'limiga taqdim etishlari lozim.

 Tanlovga hujjatlar qabul qilish muddati 20-dekabrga qadar uzaytirildi.

 Tanlov g‘oliblariga bir yil davomida bazaviy stipendiya miqdorining 1,5 baravariga teng stipendiya to‘lab boriladi. Shuningdek, g‘oliblar institut rektorining buyrug‘i asosida maxsus ko‘krak nishoni, sertifikat va esdalik sovg‘alari bilan taqdirlanadi.

Tanlov nizomi