Termiz davlat pedagogika instituti Yoshlar ittifoqi boshlang‘ich tashkiloti tomonidan “Armiya — jasorat, matonat va bilim maskani” mavzusida davra suhbati tashkil etildi.

Mazkur davra suhbati yoshlarni harbiy-vatanparvarlik ruhida tarbiyalash, ularda Vatanga sadoqat, jasorat va mas’uliyat tuyg‘ularini mustahkamlash hamda Qurolli Kuchlarimiz faoliyati haqida kengroq tushuncha berish maqsadida davlat xususiy sherikchilik asosida qurilgan 4-TTJ da tashkil etildi.

Tadbir davomida ishtirokchilarga harbiy xizmatning ahamiyati, yoshlar uchun yaratilayotgan shart-sharoitlar, harbiy sohada bilim va intizomning o‘rni haqida atroflicha ma’lumotlar berildi. Davra suhbati ochiq muloqot tarzida o‘tib, ishtirokchilar o‘zlarini qiziqtirgan savollarga batafsil javoblar oldilar.