Raqamli avlod qizlari
Surxondaryoda “Raqamli avlod qizlari” tanlovining viloyat bosqichi boshlandi. Bugun Termiz shahridagi 26-sonli umumta’lim maktabi binosida “Raqamli avlod qizlari” tanlovining Surxondaryo viloyati bosqichi o‘z ishini boshladi. Ochilish marosimida viloyat Maktabgacha va maktab ta’limi boshqarmasi boshlig‘ining birinchi o‘rinbosari Bekzod Tashpulatov ishtirok etdi.
Mazkur tanlovda:
16–20 yosh toifasida 75 nafar,
21–30 yosh toifasida 35 nafar
iqtidorli va tashabbuskor qizlar o‘z bilim va innovatsion g‘oyalarini namoyish etmoqda.
Ochiqlik va innovatsiya ruhida tashkil etilayotgan ushbu tanlov raqamli texnologiyalarni puxta egallagan, kreativ va zamonaviy fikrlaydigan qizlarni qo‘llab-quvvatlash, ularning salohiyatini yuzaga chiqarishga xizmat qilmoqda.
Ushbu ko‘rik-tanlovda Termiz davlat pedagogika instituti Tillar fakulteti Oʻzbek tili va adabiyoti kafedrasi oʻqituvchisi Xakimova Farida va 3-bosqich talabasi O‘razova Inobad hamda Tabiiy va aniq fanlar fakulteti Biologiya yo‘nalishi 3-kurs talabasi Toʻxtamurodova Feruza muvaffaqiyatli ishtirok etib 21–30 yosh toifasida 1-oʻrinni qoʻlga kiritdi.