Termiz davlat pedagogika institutida yakuniy nazorat imtihonlari o'tkazilmoqda

 12-yanvar sanasidan boshlab belgilangan jadval asosida barcha fakultet va ta’lim yo‘nalishlarida yakuniy nazorat imtihonlari bo'lib o'tmoqda.

 Yakuniy nazoratlar 2025/2026-o‘quv yilida institutga 1-kursga qabul qilingan hamda 2-kurs kunduzgi ta’lim shakli (boshqa ta’lim shakllari uchun zaruratdan kelib chiqib) talabalari uchun test hamda yozma shaklda (shifrlash orqali) amalga oshirilmoqda.

Shuningdek, Imtihon jarayonlarining shaffofligi va tartib-intizomini ta’minlash maqsadida yakuniy nazoratlar o‘tkazilayotgan barcha auditoriyalar zamonaviy kuzatuv kameralari bilan to‘liq jihozlangan.

Institut rahbariyati tomonidan yakuniy nazorat jarayonlarining belgilangan tartibda, yuqori saviyada va adolatli o‘tishini ta’minlash maqsadida mas’ul komissiyalar faoliyati yo‘lga qo‘yilgan hamda doimiy nazorat olib borilmoqda.