hisobot yig'ilishi
Termiz davlat pedagogika instituti professor-o'qituvchilarining istiqbolli rejalarining bajarilishi hamda 2025-yilda amalga oshirilgan ishlar yuzasida hisobot yig‘ilishi bo‘lib o‘tdi
Kuni kecha Termiz davlat pedagogika instituti Jismoniy madaniyat va san‘at fakulteti professor-o‘qituvchilari ishtirokida 2025-kalendar yilidagi istiqbolli rejalarning bajarilishi bo‘yicha hisobot yig‘ilishi o'tkazildi.
Ushbu yig‘ilishda institut professor-o‘qituvchilari tomonidan 2025-yil davomida amalga oshirilgan ilmiy va o‘quv-rejalarning bajarilishi muntazam tahlil qilindi. Yig'ilish davomida tashkil etilgan o'quv hamda ilmiy to'garaklar sarhisob qilinib, to'garak rahbarlarining ilmiy-tadqiqot faoliyatlari, ularning ilmiy ishlari bo‘yicha nashrlarning sifati va soni chuqur o‘rganildi va muhokama qilindi.
Yig‘ilish davomida aniqlangan muammolar va bajarilmagan rejalar bo'yicha alohida to'xtalib, ularni hal qilish bo‘yicha aniq choralar belgilandi.
Ushbu yig‘ilishdan ko'zlangan maqsad Termiz davlat pedagogika institutining ilmiy salohiyatini yanada oshirish, professor-o‘qituvchilar va talabalarning faoliyatini samarali tashkil etish "Ustoz-shogird" an'analarini yanada rivojlantirish hamda yangi yildagi ishlarni rejalashtirishdir.